Thursday 10 December 2009
សុខភាពជាស៊ីមប្រសើរក្រោយពេលទៅព្យាបាលនៅសិង្ហបុរី ដោយ កែវ និមល
សុខភាពជាស៊ីមប្រសើរក្រោយពេលទៅព្យាបាលនៅសិង្ហបុរី
ដោយ កែវ និមល
2009-12-07
លោក នាយករដ្ឋមន្រ្តី ហ៊ុន សែន បានមានប្រសាសន៍នៅថ្ងៃទី៧ ធ្នូ ឲ្យដឹងថា លោក ជា ស៊ីម ប្រធានគណបក្សប្រជាជនកម្ពុជា និងជាប្រធានព្រឹទ្ធសភា បានមានជំងឺហើយដឹកយកទៅព្យាបាលនៅប្រទេសសិង្ហបុរី កាលពីយប់ថ្ងៃទី៦ ធ្នូ កន្លងទៅ។
លោក ហ៊ុន សែន បានមានប្រសាសន៍នៅខេត្តកំពត ឲ្យដឹងថា មកទល់ពេលនេះ សុខភាពរបស់លោក ជា ស៊ីម មានសភាពគ្រាន់បើជាងមុនហើយ។
លោក ហ៊ុន សែន បានថ្លែងយ៉ាងដូច្នេះ ៖ «សភាពការណ៍នៅពេលនេះអត់មានអីទេ សុខភាពគាត់ធម្មតាឡើងវិញ ប៉ុន្តែចាំបាច់ណាស់នូវការពិនិត្យបែបនេះ»៕