Thursday 10 December 2009
កាស៊ីណូមួយនៅបាវិតផ្អាកធ្វើអាជីវកម្មព្រោះគ្មានអ្នកចូលលេង ដោយ មុំ សុផុន
កាស៊ីណូមួយនៅបាវិតផ្អាកធ្វើអាជីវកម្មព្រោះគ្មានអ្នកចូលលេង
ដោយ មុំ សុផុន
2009-12-05
កាស៊ីណូ ឬបនល្បែងមួយកន្លែងឈ្មោះ Queen Crown នៅឯច្រកបាវិតនៃខេត្តស្វាយរៀង ជាប់ព្រំដែនប្រទេសវៀតណាម បានបិទទ្វារផ្អាកធ្វើអាជីវកម្មហើយកាលពីថៃ្ងទី១ ខែធ្នូនេះ ដោយសារតែគ្មានអ្នកចូលលេងល្បែងនិងគ្មានប្រាក់ចំណូលធ្វើឲ្យក្ស័យ ធន។
ស្រ្តីជាបុគ្គលិកម្នាក់ដែលបានបម្រើការងារនៅក្នុងកាស៊ីណូ រយៈពេល ២ឆ្នាំមកហើយនោះ បានថែ្លងប្រាប់វិទ្យុអាស៊ីសេរីនៅថៃ្ងសៅរ៍នេះថា អ្នកស្រីកំពុងតែរកការងារផ្សេងធ្វើវិញ ក្រោយពីគេបានប្រកាសបិទកាលពីដើមខែធ្នូនេះ ដោយសារតែនៅក្នុងកាស៊ីណូនោះមិនមានភ្ញៀវចូលលេងល្បែង។
កាស៊ីណូឈ្មោះ Queen Crown នោះ មានបុគ្គលិកចំនួនប្រមាណ ៣០០នាក់ បានបើកធ្វើអាជីវកម្មបនល្បែងនោះតាំងពីឆ្នាំ២០០៥ កន្លងមក៕